💕निराजन सापकोटा 💕
बालापन
अझै पनि याद आउछन् ती दीन,
जब चार डाँडामा आकास सकिन्थ्यो,
मोजाको बलमा मनोरञ्जन को प्यास मेटिन्थ्यो,
एक सिट्ठीको भर मा पुरा बटालियन भेटिन्थ्यो,
अझै पनि याद आउछन् ती दीन,
दुइ हत्केलाको बिचबाट घाम हेरेको
हत्केला भरीको पानीले प्यास मेटेको,
विनाकारण साथीभाई दिनकै भेेटेको,
अझै पनि याद आउछन् ती दीन,
नमानेको काम गरेको चकलेटको हर्षमा,
तीन घन्टा हिँडेर घुम्न गाको नयाँ बर्षमा,
अझै पनि याद आउछन् ती दीन,
जब चार डाँडामा आकास सकिन्थ्यो ।
